Þjóðaratkvæðagreiðsla, þrjú mál, forsenda sáttar um uppbyggingu eins samfélags.

Nú þegar ætti að undirbúa þjóðartkvæðagreiðslu um Icesavesamninginn hinn síðari.

Ásamt því hinu sama ætti einnig að spyrja um það atriði hvort þjóðin vilji að Alþingi skipi þá fulltrúa sem kjörnir voru á stjórnlagaþing til verkefnis við endurskoðun stjórnarskrár, vegna ógildingar kosninganna.

Því til viðbótar, skyldi borin fram sú spurning hvort þjóðin kjósi að halda áfram viðræðum um aðild að Evrópusambandinu.

Mikilvægi þess að þjóðin fái að taka ákvarðanir um eigin mál í kjölfar þess hruns sem orðið hefur í einu samfélagi er mikið, og ég álít að þjóðaratkvæðagreiðsla nú um Icesavemálið sé óhjákvæmileg, en jafn mikilvægt er að nota þær hinar sömu kosningar til þess að fá fram vilja fólksins í landinu til stjórnlagaþingsins, sem og afstöðu til ferlis aðildarumsóknar að Evrópusambandinu.

Hver svo sem niðurstaða þessarra þriggja spurninga kynni að verða þá er það eigi að síður ljóst að slíkt kynni að skapa þá sátt sem þarf að ríkja um mál í einu samfélagi til þess að vinna mál fram á veginn , hver svo sem sitja kann við valdatauma.

kv.Guðrún María.

Athugasemdir

[Ólafur Örn Jónsson, 4.2.2011 kl. 08:53]

Þetta er góð hugmynd Guðrún og vekur þá spurningu nú eftir að hæstiréttur hefur sagt okkur hvað má ekki og hvað má hvort ekki eigi að koma hér á fyrirkomulagi sem auðveldar framkvæmd þjóðaratkvæðisgreislu og auka þar með nútíma Lýðræði í landinu? ( Eigum við ekki elsta Lýðræði veraldar?)

Hvers vegna ekki. Ég tel að nú sé einn besti tími sem við höfum til að taka upp slíkt fyrirkomulag. Þjóðfélagið er meira og minna í upplausn og fólkið að reyna að átta sig í ringulreið þeirri sem gengur yfir eftir að upplýst er um spillingu og svik úr öllum hornum samfélagsins er best að treysta a beinan vilja þjóðarinnar.

Það er ekki verið að sniðganga Alþingi sem slíkt bara verið að herða á þeim beislið. Völdin eiga að vera hjá fólkinu hvergi annarstaðar.

Sjávarútvegsmálin eru í upplausn og Alþingi er búið að sýna að það er ekki megnugt að takast á við það mál. Hvers vegna veit enginn en það mál er búið að vefjast fyrir mönnum í 28 ár þrátt fyrir að skýr vilji þjóðarinnar liggi fyrir.  Svona mál á náttúrlega hvergi heima annars staðar en hjá þjóðinni sjálfri.

[Axel Þór Kolbeinsson, 4.2.2011 kl. 09:05]

Fæ að dreifa þessu.

[Guðrún María Óskarsdóttir., 4.2.2011 kl. 23:59]

Sæll Ólafur og þakka þér gott innlegg þitt sem ég er innilega sammála. Við erum aldin þjóð af notkun lýðræðis og skyldum sannarlega hafa getað þróað það áfram og getum enn.

Þjóðaratkvæðagreiðsla nú um þessi mál gæti skipt miklu fyrir komandi tíma.

Sæll Axel.

Gjörðu svo vel.

kv.Guðrún María.