Hafðu heiður og þökk fyrir Árni Johnsen.

Þessi tillaga er sannarlega þörf og ég tek ofan hattinn fyrir Árna og öðrum meðflutningsmönnum tillögunnar, þar sem hvoru tveggja er sjálfsagt og eðlilegt að þau lög sem sett hafa verið í landinu séu virt í reynd.

Hvers konar vanhugsaðar tilraunir til þess að reyna að rífa upp rætur menningar hér á landi þar sem kristin trú er þjóðtrú í okkar landi, misbýður meirihluta landsmanna, leyfi ég mér að fullyrða.

Burtséð frá því hvort þjónusta kirkjunnar hafi beðið hnekki eður ei, á einhverjum tíma, þá stendur trúin sem stólpi.

Í kristinni trú er falið umburðarlyndi gagnvart skoðunum annarra, þar með talið trúarskoðunum.

kv.Guðrún María.

Starfshættir grunnskóla skuli mótast af kristinni arfleifð

Athugasemdir

[Axel Jóhann Hallgrímsson, 26.1.2011 kl. 00:24]

Mér finnst, með fullri virðingu, að þessi málflutningur beri ekki virðingu fyrir skoðunum og sjónarmiðum annarra vitni, heldur þvert á móti.

[Kári (IP-tala skráð) 26.1.2011 kl. 00:29]

"Í kristinni trú er falið umburðarlyndi gagnvart skoðunum annarra, þar með talið trúarskoðunum." 

 Kíktu í Biblíuna Guðrún, þú ert augljóslega að misskilja eitthvað.  

[Guðrún María Óskarsdóttir., 26.1.2011 kl. 00:33]

Sæll Axel, mig hefur aldrei skort mér best vitanlega virðingu fyrir skoðunum annarra.

Sæll Kári.

Ég iðka mína kristnu trú þar sem ég virði skoðanir annarra.

kv.Guðrún María.

[Siggi (IP-tala skráð) 26.1.2011 kl. 01:02]

Hvers vegna ætti frelsi (frjást val) að misbjóða meirihlutanum? (hver er meirihlutinn?), og hvers vegna ætti kristinn trú að standa sem stólpi á einhverjum tíma þeim sem ekki trúir á það? það er einhver miskilningur með þetta að á erfiðum tímum hjálpi trúinn, jú þeim sem eru kristintrúar og guð þeirra sem trúa hinum ýmsu trúarbrögðum líka. Og þetta með umburðalindið fyrir öðrum trúarskoðunum hefur nú ekki alltaf verið eins og fyrri tímar bera vitni um, ekkert betra er að gerast enn í dag í hinum ýmsu heitrúuðu löndum annara trúarbragða. þar seigja menn sanleikan vera í sinni trú :). en kominn út fyrir efnið, hversvegna má bara ekki leifa fólkinu að hafa sína trú og eða enga trú :)

[Guðrún María Óskarsdóttir., 26.1.2011 kl. 01:16]

Sæll Siggi.

Mín kristna trú sem ég hef, inniheldur það viðhorf að fólk hafi frjálst val, vegna umburðarlyndis og virðingu fyrir ólíkum sjónarmiðum einstaklinga.

Þeir sem eitthvað hafa lesið af baráttu Íslendinga í áraraðir vita að trúin hefur gengt afar miklu hlutverki við baráttuna við það að koma vorri þjóð til manns, þar sem við hoppuðum úr torfkofum inn í steinsteypt hús, við miklar mannfórnir sjósóknar við landið á sínum tíma.

kv.Guðrún María.

[Siggi (IP-tala skráð) 26.1.2011 kl. 01:39]

Ég er sammála þér um að við Íslendingar höfum hafið mikla baráttu við erfiðar aðstæður og nátúruöfl og við miklar mannfórnir og oft mikil grimd líka manna á milli og hefnigirni og morð jafnvel. og hingað erum við komin og hefur hefur margt komið til og sjálfsagt kirkjan og menn og líklega meira konur (bæði kirkjunar og aðrir) komið okkur hingað. en ég vill samt ekki bara seigja að vegna kristinnar trúar eingöngu og vill frekar þakka framsýnum og réttsýnum konum og körlum. Ég sjálfur er ekki trúaður (heldur ekki á djöfulinn) trúi frekar á stórkostlega þróun sem er partur af einhverri risamynd sem ég veit ekki hver er, trúi á að til sé gott og því miður líka vont fólk og finst ekkert að kristnu eða öðru fólki, en vill ekki halda uppi bákni eins og ríkisútvarpi og kirkju vegna annara. Ég mun líka vera á móti að allir þyrftu að halda uppi moskum (af fjárlögum ríkisins) ef að málið liti þamnnig út :). ég á börn og að sjálfsögðu er þeim frjálst að trúa öðru en ég trúi, en mér finst ekki rétt að kristin kirkja meigi bara valta sínu yfir þau, þú skilur. Annars læt þetta vera gott í bili og hafðu það sem best.

[Guðrún María Óskarsdóttir., 26.1.2011 kl. 01:53]

Takk fyrir þitt innlegg Siggi, við erum ætíð fróðari þvi fleiri viðhorf sem við fáum sem sjónarmið.

kv.Guðrún María.

[Hjalti Rúnar Ómarsson, 26.1.2011 kl. 02:44]

Í kristinni trú er falið umburðarlyndi gagnvart skoðunum annarra, þar með talið trúarskoðunum.

Ef þetta er rétt, hvers vegna komst þá trúfrelsi fyrst á á Íslandi árið 1874?

Íslendingar voru búnir að vera kristnir í 874 ár en voru svo "umburðarlyndir" gagnvart trúarskoðunum annarra að það var bannað að vera annarrar trúar. 

[Geir Jónsson (IP-tala skráð) 26.1.2011 kl. 04:10]

Kristni er stærsta trúin vegna þess að hún hefur drepið flesta.

Hún var meðal annars þvinguð yfir Íslendinga með ofbeldi.

Hvernig er það jákvætt að kenna ungmennum að slíkt sé allt í lagi?

Því fleiri sem segja sig úr þessu drasli því betra. Og þetta á ekki heima í almenningsskólum sem eiga að vera hlutlausir.

Þeir sem eru öfgatrúaðir geta bara stofnað einkaskóla.

[Almar (IP-tala skráð) 26.1.2011 kl. 07:54]

Árni Johnsen, maðurinn sem sagði fyrir aðeins 15 árum að "kynvilla væri skekkja" og varð svo frægur fyrir að knýja nokkrum "kynvillingum" kinnhest og stela af Þjóðleikhúsinu þar sem hann sat í nefnd í 14 ár.

Mér finnst það segja nóg um þessa tillögu að hún komi úr þeim ranni.

[doctore (IP-tala skráð) 26.1.2011 kl. 08:53]

Það er ekkert frjálst val í kristni; Ef hér væri stjórnmálaflokkur með sama "val" og er í kristni, þá yrðu allir sem ekki kjósa þann flokk pyntaðir.
Að auki bannar biblía að gagnrýna yfirvaldið, við eigum bara að segja já og amen við öllu sem ríkisstjórnir vilja, því guð setti ríkisstjórninar.

Biblía/kóran eru stríðstól, sérsniðin fyrir ættbálkastríð.

[Adeline, 26.1.2011 kl. 09:04]

Alveg sammála pistlahöfundi.

-trúlausu bloggararnir mættir með sínum þunga hér eftir að fengið "trúarbloggs-alert"....

[Sverrir (IP-tala skráð) 26.1.2011 kl. 12:10]

^{Fyrra bréf Páls til Tímót 2:11-15}

¹¹Konan á að læra í kyrrþey, í allri undirgefni.

¹²Ekki leyfi ég konu að kenna eða taka sér vald yfir manninum, heldur á hún að vera kyrrlát.

¹³Því að Adam var fyrst myndaður, síðan Eva.

¹⁴Adam lét ekki tælast, heldur lét konan tælast og gjörðist brotleg.

¹⁵En hún mun hólpin verða, sakir barnburðarins, ef hún stendur stöðug í trú, kærleika og helgun, samfara hóglæti.

Viltu að þetta sé kennt í skólum?

[Guðrún María Óskarsdóttir., 26.1.2011 kl. 23:22]

Sæll Hjalti Rúnar, takk fyrir þitt innlegg.

Þar sem ég var ekki uppi á þessum tíma get ég ekki svarað því hvers vegna " eitthvað " var ekki fyrir 1874, hvað þá fyrr en c.a 80 árum síðar, hins vegar býst ég fastlega við því að umburðarlyndi hafi aukist með árunum.

Sálmar sr. Matthíasar Jochumssonar eru mér einkar kærir þar sem hann birtir í sálmum sínum innsýn í vitund um trú.

" Ó drottinn faðir ljóss og lífs,

þitt lögmál heitir náð.

Þú elskar sál hins mædda manns,

þótt mjög sé breyzkleik háð. " MJ.

kveðja Guðrún María.

[Guðrún María Óskarsdóttir., 26.1.2011 kl. 23:25]

Sæll Geir, og takk fyrir þitt innlegg.

Ertu með dæmi ?

kv.Guðrún María.

[Guðrún María Óskarsdóttir., 26.1.2011 kl. 23:31]

Sæll Almar og takk fyrir þitt innlegg.

Vil svara þér með einu versi úr sálmi Sr. Matthiasar Jochumssonar sem er svona.

" Ó maður sé þitt hjarta hart,

með harðúð dæmir þú.

Í hverju blómi í hunangsstað,

þú hyggur eiturbú.. " MJ.

kv.Guðrún María.

[Guðrún María Óskarsdóttir., 26.1.2011 kl. 23:41]

Sæll doctore og takk fyrir þitt innlegg.

Frelsi er ekkert frelsi nema þess finnist mörk, því innan marka frelsisins fáum við notið þess.

Má til með að setja hér inn tvö vers sr. Matthíasar Jochumssonar.

" Þinn anda lát ei örvilnast

þótt aðra bresti hug,

en sannleikanum fylgdu fast,

með fullu tápi og dug.

Því hann á jafnan fasta fylgd,

þótt felist tíðum hér,

og hirtu lítt um hrópin trylld,

því heimskan fallvölt er." MJ.

kv.Guðrún María.

[Guðrún María Óskarsdóttir., 26.1.2011 kl. 23:47]

Sæl Adeline og takk fyrir þitt innlegg.

Já já verið þeir velkomnir blessaðir englarnir.

kv.Guðrún María.

[Guðrún María Óskarsdóttir., 27.1.2011 kl. 00:02]

Sæll Sverrir og takk fyrir þitt innlegg.

Ég treysti kennurum og skólastjórnendum fullkomlega til þess að vega og meta þá þætti þar sem kristin trúi tengist skólastarfi hér á landi.

Ég treysti sömu aðilum jafn vel til þess að viðhafa virðingu gagnvart öðrum trúarskoðunum.

kv.Guðrún María.