Þjóðstjórn til valda á Íslandi.

Við Íslendingar getum staðið í lappirnar ef við stöndum saman, en sundraðir föllum vér, svo mikið er víst.

Forsenda samstöðu sem slíkrar var Þjóðstjórn eins og Davíð Oddsson lagði til á sínum tíma, og menn máttu hlusta á, því það var ráð sem byggðist á framsýni í þeim aðstæðum er voru uppi í einu þjóðfélagi.

Viðfangsefni þau sem íslenskt samfélag þarf við að fást eru nægileg nú um stundir til þess að þjappa saman stjórnmálaflokkum við stjórnvölinn um tíma.

Veik og ósamstæð ríkisstjórn með nauman stjórnarmeirihluta í hinum ýmsu málum mun ekki valda því verkefni sem er að koma þjóðarskútunni upp úr þeim öldudal hruns fjármálakerfis í einu landi.

Þjóðstjórn mun skapa þá nauðsynlegu sátt sem þarf til að taka á málum hér á landi og slíkt fyrirkomulag mun einnig verða lærdómur á sviði stjórnmála hér á landi, hollur lærdómur um samvinnu er þörf krefur.

kv.Guðrún María.

Athugasemdir

[Guðmundur Júlíusson, 14.8.2010 kl. 01:50]

Tek undir þetta með þér Guðrún!!

[Kristinn Karl Brynjarsson, 14.8.2010 kl. 02:21]

Það sjá það flestir sem horfa vilja gagnrýnum augum á ástandið hér undanfarna mánuði, að þjóðstjórn er í rauninni það eina sem einhverju hefði bjargað okkur frá þeim hörmungum, sem á okkur dynja, nær daglega.

 Einnig var kosið allt of snemma.  Hvort sem það hefði verið sú minnihluta stjórn sem tók við, eða þá þjóðstjórn, þá hefði aldrei átt að kjósa, fyrr en Skýrslan kom út.  

 Þegar tekin var ákvörðun um kosningar, var planið að Skýrslan kæmi út eftir rúmlega hálft ár. Þó svo að það hafi teygst verulega á útkomu Skýrslunnar, þá hefði það samt sem áður verið rétt ákvörðun að bíða með kosningar, fram yfir Skýrslu.

 En "sumir" fundu byr í seglum og lykt af bólstruðum leðurstólum ráðherrana og fýsti meira en allt í umboð til setu í þeim stólum.