Viltu ís Björn ?

Hafi hringleikahús stjórnamála einhvers staðar verið á ferð undanfarin fjögur ár þá er það í höfuðborg landsins Reykjavík, þar sem Ráðhústjarnarkvartett Reykjavíkur hefur átt sínar uppákomur, þar sem allir kjörnir fulltrúar hafa spilað sína rullu allra handa, fram og til baka heilan hring.

Þvílíkt sjónarspil kjörinna fulltrúa er vandfundið í sögunni, og Reykvíkingum þvi vorkunn sem leggja traust sitt mest á grínframboð hins vinsæla Jóns Gnarr, og félaga.

Öllu gríni fylgir alvara og á laugardaginn kemur það í ljós hvort framboð Jóns fær meirihlutafylgi eins og skðanakannanir benda til.

Fái hann meirihlutafylgi verður grínið að alvöru og
borgarbúar fá ísbjörn í Húsdýragarðinn, sem er án efa ágætt, en ísbjörninn hlýtur að kosta eitthvað og kanski væri betra að lækka gjaldtöku í garðinn í staðinn.

Kemur allt í ljós á laugardag, hve mikið grín verður í höfuðborg landsins, næstu fjögur ár.

kv.Guðrún María.

Jón Gnarr vill stólinn

Athugasemdir

[Óskar Arnórsson, 27.5.2010 kl. 05:59]

Jón Gnarr verður Borgarstjóri. Fólkið hefur ákveðið það...þetta er ekki grínframboð að neinu leyti...

[ræstingafélagið (IP-tala skráð) 27.5.2010 kl. 13:07]

Við skulum nú ekki hafa áhyggjur af kostnaði við ísbjörninn.Kannski bara poppar 1 uppúr Tjörninni.

[Óskar Arnórsson, 27.5.2010 kl. 19:40]

Ísbjörninn er symbol fyrir breytingar. Reykjavík er ein leiðinlegsata borg á jarðkringlunni og samt finnst manni vænt um þessa borg. Jón Gnarr kemur lífi í þetta. Með Ísbjörnum eða gíröffum, selatjörn eða hvað sem er. Það á að banna bankastarfsemi í miðborginni því þeir eru allir svo ljótir...