Bændasamtökin móta siðferðisvitund samfélagsins.

Það er nú aldeilis fínt að einhver samtök í landinu gangi fram fyrir skjöldu og segi hingað og ekki lengra , finnst ykkur það ekki ? Sé ekki betur en hver um annan þveran fagni þessari afstöðu bænda í landinu og þeirra var ákvörðunin ekki annarra. Það er hins vegar ekki of venjulegt að einhver þori að taka af skarið í nútíma þjóðfélagi markaðshyggju hvað varðar það að segja af eða á um eitt eða annað. Menn þvarga og þrefa um svart og hvítt öfganna á milli en enginn verður niðurstaðan. Einhverjir telja frelsið hið guðdómlega heft ef við leyfum ekki klámframleiðendum að hittast hér á landi aðrir telja frelsið of mikið þannig að frelsið setji stimpil á þjóðina sem henni líkar ekki. Sjálf tel ég að tjáningarfrelsið sem þessi þjóð á hafi fengið notið sín og út frá því hafi menn myndað sér skoðun og ákvarðanir og því ber að fagna.

kv.gmaria.

Athugasemdir

[Guðrún María Óskarsdóttir., 23.2.2007 kl. 02:33]

Keli.

Ég er ekki sammála þú fyrirgefur því skorturinn á því að móta sér afstöðu er tekur mið af öðru en einhverri framgöngu markaðslögmála undir formerkjum þess að alveg sama hvað sé þar á ferð er fyrir hendi.

Annað hvort viðhöfum við þá skoðun á þessum málum sem við viljum að börnin okkar hafi eða ekki sem er varla sú að við viljum sjá hér þjóðfélag sem upphefur klámiðnað.

kv.gmaria.

[Guðrún María Óskarsdóttir., 23.2.2007 kl. 02:40]

Búinn að því og min skoðun hefur ekkert breyst Keli.

kv.gmaria.

[Ester Sveinbjarnardóttir, 23.2.2007 kl. 05:01]

Hótel Saga er einungis að hugsa um sína markaðlegu hagsmuni, þeir vega og meta hvað er best fyrir sitt fyrirtæki.  Almenningur í landinu hefur fengið upp í  kok á barnaníðingshætti og vill ekki fá slíka menn til landssins erlendis frá.  Við erum í öllum rétti til að hafna klámi.  Vísa í blogg sem fjallar um heimasíður téða klámhunda, kíktu á það Keli. http://maple123.blog.is/blog/maple123/entry/129395/#comments,  

[Sveinn V. Ólafsson (IP-tala skráð) 27.2.2007 kl. 00:26]

Sælir ágætu stjórnmálamenn  Að undanförnu hafa kjörnir fulltrúar okkar tekið þátt í því að úthrópa útlendinga, sem eru frjálsir ferða sinna í öðrum löndum hins vestræna heims og tekið undir öldu "fordómavæðingar" í íslensku samfélagi. Allt í einu er frelsið lagt á hilluna og hópi fólks sem vill heimsækja okkar land útskúfað af stjórnmálamönnum. Allir stimplaðir sem barnaíðingar, kynferðisglæpamenn og stundandi mansal. Lögreglan ekki látin ein um að meta hvort ástæða sé til að taka á "meintum" brotamönnum, ef þeir eru þá í hópnum, heldur hoppað með í "fordómavæðinguna".  Hvernig getur það átt sér stað í okkar annars ágæta lýðveldi að fulltrúar allra flokka fari með sömu þuluna. Þegar ekki er lengur að finna mun á D, B, S, F og VG sé ég ekki lengur til hvers ég ætti yfir höfuð að kjósa einhvern þessara flokka. Menn geta mótmælt klámi, Ísrael, Falun Gong, Bandaríkjunum, Kína, Svíþjóð og hverju einu sem þá listir en stjórnmálamenn eiga að stíga varlega til jarðar - Alltaf.  Þeir eiga að passa að gæta hófs í allri nálgun sinni og við yfirlýsingar.  Ef okkar kjörnu fulltrúar ætla ekki að koma frelsinu til varnar þá er illt í efni.  Frelsi er æðst allra gilda og það má alldrei skerða nema brýna nauðsyn beri til. Ég vona svo sannarlega að stjórnmálamenn átti sig á í hverju þeir hafa tekið þátt og það áður en aftur kemur upp "sambærilegt" málefni í samfélaginu. Að síðustu kæru stjórnmálamenn virðið orð John Stuarts Mill sem sagði: 

"Einstaklingurinn beri aðeins ábyrgð gagnvart samfélaginu á þeim athöfnum sínum sem skaði hagsmuni annarra, en ekki þeim sem varða aðeins hann sjálfan. Því er hvorki ríkinu né öðru fólki heimilt að skerða athafnafrelsi einstaklingsins nema í sjálfsvörn. En það er ekki fyrst og fremst ríkisvaldið sem Mill beinir gagnrýni sinni að, heldur alræði meirihlutans, hin oft og tíðum þögla skoðanakúgun sem leitast við að steypa alla í sama mót og heftir þannig þroska einstaklingsins. Það er samfélaginu nauðsynlegt að meðlimir þess búi við hugsana- og málfrelsi og fái að þroskast í fjölbreytileika sínum til þess að allar skoðanir fái færi á að njóta sín, því það er aðeins í rökræðunni sem ljóst verður hvort skoðun sé sönn eður ei. Auk þess er hver sú skoðun sem við aðhyllumst ekki einlæg og hjartfólgin sannfæring, sem ræður breytni okkar, fyrr en við höfum tekist á við gagnrýni og efasemdaraddir."

 kveðjaSveinn V. Ólafsson

[Guðrún María Óskarsdóttir., 27.2.2007 kl. 02:16]

Sæll Sveinn.

Þessi hugleiðing þín er góð og gild svo langt sem hún nær.

Frelsi er ekkert frelsi, nema þess finnist mörk og innan marka frelsisins´, fáum við notið þess.

Athafnafrelsi annars manns á allsendis ekki að vera svo miklu rými háð að slíkt kunni hugsanlega að misbjóða vitund hvers samfélags á hverjum tíma um almennt siðgæði.

Sökum þess er það afstaða samfélagsins sem mótar og setur mörk siðgæðisvitundar hvarvetna á öllum tímum svo fremi menn séu þess umkomnir að koma fram og tjá þá hina sömu afstöðu.

Íslensku Bændasamtökin gengu fram fyrir skjöldu og tóku afstöðu nú árið 2007, á einu sviði er varðar siðvitund og viðskiptasiðferði.

Mér best vitanlega hefur krafa þess efnis að viðskiptasiðferði væri í heiðri haft verið til umræðu í samfélaginu og hver ákvörðun í því efni markar spor og setur mörk.

Það tel ég af hinu góða.

kv.gmaria.