Börn í klóm glæpamanna, foreldrar verið vakandi.

Um leið og skólar hefjast fer allt í gang á ný einnig glæpamennska sem iðkuð er af glæpamönnum undir nafninu fíkniefnasalar. Lögregla fær ekki rönd við reist og þessir glæpamenn ganga lausir ár eftir ár við sína iðju og sánka að sér sínýjum viðskiptavinum úr hópi barna og ungmenna.

Sjálf set ég samasemmerki milli þessarra manna og barnaníðinga sé engan mun þar á.

Vakandi foreldrar er einn varnarveggur gagnvart slíku og þvi fleiri sem eru vakandi því betra.

Foreldrar verið vakandi um hvað börnin aðhafast því meiri afskiptasemi er alla jafna betri en minni gagnvart því að stemma stigu við vanda í upphafi og uppgötva hann.

kv.

gmaria. 

 

Málefni lífeyrissjóða varða alla í landinu.

Það er fagnaðarefni að formaður Samfylkingar Ingibjörg Sólrún Gísladóttir skuli láta sig varða fjárfestingastefnu lífeyrissjóða og mættum við fá meira af slíku frá stjórnmálamönnum sem vissulega eiga að láta sig mál varða.

Það skiptir nefnilega afar miklu máli að mínu viti að stjórnmálamenn láti sig varða samfélagið og þróun þess hvers eðlis sem er sem oftast.

Umhverfi vinnumarkaðar er þar engin undantekning.

 

 

 

Tugþúsundkróna sekt og ökuleyfissvipting fyrir vitleysinga.

Það er alveg merkilegt að menn skuli virkilega taka þá áhættu að keyra eins og vitleysingar langt yfir hraðatakmörkum. Ég var á leiðinni austur yfir Hellisheiði um daginn og ók um tíma með þremur mótorhjólamönnum og þannig var að tveir voru á eftir mér en einn á undan, allir á löglegum hraða og til fyrirmyndar. Um tíma leið mér eins og þjóðhöfðingja á ferðalagi með virðulega mótorhjólafylgd.

Þá hvín allt í einu við og tvö önnur mótorhjól þjóta framúr þremur mótorhjólum og einum bíl á að minnsta kosti 130 kílometra hraða. Hvílíkir vitleysingar og ég hugsaði eins og stundum áður þegar bílar hafa svínað framúr á ofsahraða á þessum slóðum, verst að hafa ekki beina númerið hjá löggunni á Selfossi til að láta vita af þessum delum.

Reyndar verð ég að segja að mér finnst ástand hafa skánað hvað hraðakstur almennt varðar en því miður skera sig úr hin einstöku atvik algörlega óásættanlegs glæfraaksturs.

kv.gmaria.