Andvaraleysi starfandi flokka í stjórnmálum og undirrót vandans í íslensku efnahagslífi.

Hvorki Vinstri Grænir né Samfylking hafa svo mikið sem viðrað skoðun um umbreytingar á kvótakerfi sjávarútvegs gegnum tvær kosningar til þings, tvö kjörtímabil í röð.

Hvorugur flokkurinn hefur tekið sér stöðu við hlið Frjálslynda flokksins, varðandi það atriði að breyta um í kerfi sem áskapað hefur undirrót vandans í íslensku efnahagslífi og tilheyrandi misskiptingu auðs í einu samfélagi.

Hvorugur.

Annar flokkurinn hefur verið upptekinn uppi á heiðum við verndun gæsa, og baráttu gegn hinum vondu vondu álverum, meðan hinn sér einu von Íslands liggja til Evrópu án skoðana á íslenskum stjórnmálum meira og minna að öðru leyti.

Er furða að svo sé komið meðan stjórnmálaflokkar taka ekki afstöðu til helstu hagsmunamála er varða heilt þjóðfélag miklu að umbreytingar eigi sér stað í ?

kv.gmaria.

 

Athugasemdir

[Hreggviður Davíðsson, 26.11.2008 kl. 02:03]

Það er ekki von til að þeir flokkar setji sig upp á móti kvótanum, það voru jú þeir ásamt hinum stóru, sem komu honum á. 1984 gengu allaballar hvað harðast fram við að mæla kvótanum bót og greiða honum brautargengi. Á þeim tíma var ég ritstjóri eins landsmálablaðsins og skrifaði leiðara eftir leiðara um þau hrapalegu mistök, sem kvótinn var. Þá leiðara skrifaði ég í óþökk allra stjórnmálaflokkanna, enda varð starfinn stuttur hjá mér við skriftirnar.

Tek hér orðrétt upp úr einum af leiðurunum frá því í mars 1984: "Þessa dagana eru afleiðingar afglapa og klúðurs stjórnvalda í málum sjávarútvegsins að koma í ljós. Ef haldið verður í núverandi stefnu í sjávarútvegi og kvótamálinu haldið til streitu, mun það hafa mjög alvarlegar afleiðingar í för með sér, ekki bara fyrir hin einstöku byggðarlög sem að mestu byggja sína afkomu á sjávarútvegi heldur mun tilurð alls þjóðarbúsins verða stefnt á vonar völ". Svo mörg voru þau orð og enginn hlustaði. Ég styð Adda Kidda Gauj, en ekki alla í Frjálslyndaflokknum. Hafðu þökk fyrir þín skrif.

[Guðmundur Jónas Kristjánsson, 26.11.2008 kl. 20:27]

Sæl Guðrún. Samfylkingin er fjandans sama og einhvern kvóta á
Íslandsmiðum. Ætlar með hann hvort sem er á alþjóðlegan upp-
boðsmarkað innan ESB ráði hún för. Vill helst koma honum úr landi
í hendur útlendinga sem allra fyrst.

[Guðjón H Finnbogason, 26.11.2008 kl. 20:43]

Sæl frænka.

Ég hef áhuga á að vita hvað mikið sjávarútvegur er að borga til ríkisins og hver á þennan kvóta eru það Íslendingar þá hvaðan komu peningarnir.Hver kemur til með að segja að Íslendingar eigi kvótann eftir fimm ár þegar útlendingar eru búnir að eignast bankana.

[Guðrún María Óskarsdóttir., 27.11.2008 kl. 00:35]

Sæll Hreggviður.

Takk fyrir þetta, mjög fróðlegt.

Sæll Guðmundur.

Þeim skal ekki kápan úr því klæðinu.

Sæll frændi.

Það hefur gengið afar illa að fá upplýsingar um nokkurn skapaðan hlut varðandi stöðu sjávarútvegsins nú um stundir.

kv.gmaria.