Eru hugmyndir að nýrri stjórnarskrá til bóta ?

Það er Alþingis að fara yfir hugmyndir um breytingar á stjórnarskrá sem skilað hefur verið til þingsins af nefndarmönnum stjórnlagaráðs.

Núverandi ríkisstjórnarflokkar hljóta því að sjá til þess að meðferð komi til umræðu og skoðunar í þinginu.

Núverandi stjórnarskrá er býsna góð að mínu mati,að því undanskildu að í hana vantar möguleikann á þjóðaratkvæðagreiðslum.

Eftir lestur tillagna stjórnlagaráðsins, um breytingar virðist það því miður hafa orðið eins konar markmið að breyta öllu orðavali eldri stjórnarskrár, líkt og sá væri tilgangurinn, með afskaplega mismunandi góðum árangri.

Samsuða á loðnu orðavali í formi yfirlýsinga hefur ekkert að gera í stjórnarskrá, frekar en langlokur um umhverfismál sem illa eða ekki er hægt að staðfæra við lagagerð að mínu mati.

Að hluta til má segja að þessar hugmyndir beri keim af því að miðjumoða það sem allir gátu sætt sig við með því að breyta öllu " einhvern veginn ".

Ég get því ekki betur séð en stór tími af þingstörfum hljóti að fara í það atriði að ræða þetta mál til hlýtar, gömlu stjórnarskrána annars vegar og hugmyndir um nýja í afskaplega víðum kufli orðavals hins íslenska máls.

kv.Guðrún María.

Borgarafundur um nýja stjórnarskrá

Athugasemdir

[hilmar jónsson, 13.9.2011 kl. 19:07]

Borgar sig yfirleitt að breyta einhverju ?...Hmmm, nei ekki ef þú ert spyrt við hrunöflin.

Íhald er ekki kallað íhald að ástæðulausu..

[Guðrún María Óskarsdóttir., 14.9.2011 kl. 00:58]

Sæll Hilmar.

Já það getur sannarlega borgað sig að breyta því sem þarf að breyta, svo fremi að breytingar séu til bóta en ekki breytingar, breytinganna vegna.

Hvað eru hrunöfl og hvað ekki, svo vill til að sú er þetta ritar hefur lengi, lengi , lengi sagt skoðun sína á stjórn mála hér á landi, og gagnrýnt menn eftir efnum og ástæðum, en svo mikið tel ég mig vita að stundum er betur heima setið en af stað farið er menn hyggjast breyta til bóta.

kv.Guðrún María.