Hvers vegna hefur ekki tekist að byggja upp þorskstofninn við Íslandsstrendur ?

Ég tel að við Íslendingar hvoru tveggja þurfum og verðum að leita skýringa á því hvers vegna það hefur ekki tekist að byggja upp þorskstofninn hér við land, í tuttugu ár í kerfi sem sett var með það að markmiðí sérstaklega, en samkvæmt þeim niðurskurðartillögum sem koma fram í veiðiráðgjöf Hafrannsóknarstofnunarinnar íslenzku hafa þau markmið farið veg allrar veraldar. Það er nefnilega ekki hægt að kenna því um að einhverjar verulegar breytingar hafi verið gerðar við ákvörðun stjórnvalda um heildarafla í þorski ár hvert allan þennan tíma. Öðru máli kann hins vegar að gegna um veiðar á loðnu en Hafrannsóknarstofnun hefur ekki gert neinar athugasemdir við það atriði og því skýtur það skökku við ef slíkt er ekki tekið með í reikninginn í heildarmyndina en stofnunin sem vísindastofnun í hlutverki ráðgjafa er að mínu viti sá aðili sem gera ætti athugasemdir við stjórnvöld varðandi slíkt ef talið væri að hefði áhrif á vöxt og viðgang annarra fiskistofna. Sama má segja um aðferðir við veiðar með tilliti til álags á lífríki sjávar, það er rannsóknarstofnunar sem er ráðgjafi að vekja athygli á því ef rannsóknir skortir sem nauðsynlegar teljast í þessu efni. Þorskstofninn hrynur ekki allt í einu upp úr þurru án skýringa.

kv.gmaria.

Athugasemdir

[Sigurður Þórðarson, 27.8.2007 kl. 03:40]

Þetta er mjög góð pæling Guðrún. Ég heyrði í Rögnvaldi fiskifræðingi á Útvarpi Sögu um daginn. Hann sagði efnislega að hafkvæm fiskveiðistjórnum gengi út á að finna toppana þegar þeir koma.  Hann vildi meina að aflamarkskerfið gerði það að verkum að við vissum aldrei hvernig stofnarnir standa.  Nauðsynlegt væri að að minnsta kosti hluti flotans væri í sóknarkerfi. 

Við megum ekki festast í því fari að halda að veiðar séu eini þátturinn. Sandsílið hvarf fyrir skemmstu fyrir Suðurlandi án þess að hafa verið veitt. af mönnum. 

Lonuveiðar geta ekki verið skýrining.

 Við veiðum aðeins lítinn hluta stofnsins. Loðna var veidd í miklum mæli fyrir tíma kvótakerfisins.  Við veiðum megnið af loðnunni skömmu fyrir og jafnvel eftir hrygningu þegar hún er að deyja.  Sjávarspendýr borða margfallt  (tugfalt) magn af loðnu á við það sem við veiðum.   Það þarf 10 kíló af loðnu til að þorskur vaxi um 1 kíló.    Að framansögðu má þó ljóst vera að þó við sleppum því að veiða 10 kg er ekki þar með sagt að við fáum einu kg meir af þorski.

[Guðmundur Jónas Kristjánsson, 27.8.2007 kl. 10:32]

Það sem varð þess valdandi að ég hef endanlega misst trú á núverandi fiskveiðistjórnun var sú þegar Hafró kom með þá tillögu að á næsta fiskveiðiári mætti fiska 100.000 tonn af ýsu en ekki nema 130.000 tonn af þorski og að sjávarútvegsráðherra skyldi samþykkja það athugasemdalaust. Því ALLIR vita að tæknilega ER ÞAÐ ÚTOLOKAÐ ð veiða 100.000 tonn af ýsu með ekki nema 130.000 tonn af þorski sem meðafla. Svona ráðgjöf er út í hött. Það er nánast verið að segja við sjómenn og alla þá sem hafa lífsviðurværi sitt af fiskvinnslu þið eruð FIFL! - Það þarf að umbylta þessu kerfi öllu
frá GRUNNI, og koma með nýja hugsun í þetta allt, því svona rugl
gengur ekki lengur. - Þegar hvalinir fá að njóta alls vafa en ekki
fólkið í sjávarbyggðunum þá er eitthvað meir en lítið að í kollinum
á þeim sem þessu stjórna............

[Guðrún María Óskarsdóttir., 28.8.2007 kl. 01:08]

Sælir herramenn.

Já það væri nú að æra óstöðugan að ný umferð af brottkasti kæmi til sögu á Íslandsmiðum. Kerfið sjálft  þarf og verður að endurskoða. Til þess þarf stjórnmálamenn sem láta sig varða fiskveiðistjórnina.

kv.gmaria.