Bloggfærslur mánaðarins, janúar 2012

Obb bobb bobb, Samfylking og Sjálfstæðisflokkur undir sömu sæng í Kópavogi !

Mikið lifandis skelfingar ósköp er það nú gott að menn skuli hafa fundið samvinnuhugsjónina til þess að axla þá ábyrgð að stjórna nágrannabæjarfélaginu Kópavogi, sem hefur verið stjórnlaust í nokkra daga, eftir að meirihlutinn sprakk.

Það er hins vegar nokkuð hjákátlegt að sjá Samfylkingu og Sjálfstæðisflokk fara saman i eina sæng um þessar mundir, á þessum tímapunkti í landsmálum.

Vonandi til góðs.

kv.Guðrún María.


mbl.is Ræddu samstarf við D-lista
Tilkynna um óviðeigandi tengingu við frétt

Það þarf ekki að gagnrýna forseta Alþingis í þessu máli.

Það hefur verið forvitnilegt að fylgjast með því argaþrasi sem til staðar er eftir að lýðræðislegur meirihluti Alþingis ákvað að vísa frá frávísun um að mál kæmi á dagskrá þingsins.

Málamyndarsýndarmennska þess efnis að " hrunið verði ekki gert upp " ef fallið verði frá ákæru á fyrrverandi forsætisráðherra, einan er einfaldlega fáránlegur málflutningur í anda meints populisma, þar sem atkvæðagreiðslan um tillögur þingnefndarinnar varð að skrípaleik sem öllum var ljós.

Raunin er sú að forseti þingsins hefur staðið vörð um lýðræðislega meðferð mála þingmanna á þingi og því ber að fagna og hún á heiður skilið í því efni.

kv.Guðrún María.


mbl.is Lýðræðisleg niðurstaða
Tilkynna um óviðeigandi tengingu við frétt

Ekki heil brú í þessum málflutningi.

Ef einhver á traust þá er það forseti þingsins fyrir að taka mál á dagskrá, og það atriði að vilja vinna gegn því hinu sama er einfaldlega út úr kú.

Að safna undirskriftum um vantraust þegar búið er að fella frávísunartillögu um málið er allt að því hjákátlegt.

Hamagangur Hreyfingarinnar í þessu máli er afar sérstakur.

kv.Guðrún María.


mbl.is Vill vantraust á Ástu Ragnheiði
Tilkynna um óviðeigandi tengingu við frétt

Og moldin rýkur í logninu.

Ungir jafnaðarmennn ættu að líta í eigin barm og stórmerkilegt að þeir hafi ekki sent frá sér yfirlýsingu þegar þingmenn Samfylkingar sáu um það að sleppa sínum mönnum við ákæru um Landsdóm en greiða atkvæði með því að Geir væri ákærður.

Þar liggur vandi þessa máls, svo í upphafi skyldi endir skoða.

kv.Guðrún María.


mbl.is Lýsa vantrausti á forseta Alþingis
Tilkynna um óviðeigandi tengingu við frétt

Um daginn og veginn.

Þorri genginn í garð og sól hækkar á lofti, von um betri tíð með blóm í haga, vex með birtunni.

Argaþras stjórnmálanna tekur á sig hinar ýmsu myndir eins og venjulega og nú er það efst á baugi að stjórnarsinnar eru að tapa sér yfir því að Alþingi skuli ekki hafa vísað frá tillögu um að ræða ákæru á Geir Haarde fyrir Landsdómi.

Í mínum huga jafngildir það því að vilja ekki málfrelsi um mál, sem er afskaplega sérkennileg niðurstaða.

Alþingi er ákærandi í þessu máli en í stað þess að þeir fjórir sem þingnefnd lagði til að færu fyrir Landsdóm, varð aðeins einn eftir þar sem Samfylkingin sá fyrir þvi í atkvæðagreiðslunni að forða sínum mönnum.

Það varð hneisa þinglegrar meðferðar þessa máls og setti málið allt á núllpunkt i raun.

Þeir sem ekki sjá það enn eiga eftir að átta sig á því hinu sama.

kv.Guðrún María.


Ánægjuleg umbreyting á Alþingi Íslendinga átti sér stað í dag.

Múrar flokksræðis hafa verið brotnir niður á Alþingi Íslendinga einnig hvað varðar sitjandi flokka við stjórnvölinn, þar sem tveir ráðherrar ganga aldrei þessu vant ekki á flokkslínunni varðandi afstöðu til mála.

Ég tel að þetta skref sé ánægjulegt og til eftirbreytni frá þessum tímapunkti ekki hvað síst þar sem hér er um að ræða mál sem Alþingi urðu sannarlega á mistök og viljinn til þess að leiðrétta þau hin sömu mistök er skýr í þessu efni sem er gott mál.

Ég tel að réttlætisvitund þorra manna í landinu hafi verið misboðið þegar atkvæðagreiðsla á þingi varð þess valdandi að einn maður var látinn sæta ákæru gagnvart uppgjöri um hrun í íslensku samfélagi.

Ekkert er eðlilegra en þingið sjálft sé þess umkomið að ræða málið að nýju og viðhafa atkvæðagreiðslu um það hið sama.

kv.Guðrún María.


mbl.is Tveir ráðherrar sögðu nei
Tilkynna um óviðeigandi tengingu við frétt

Hreyfingin virðist límd við flokksræði núverandi stjórnvalda.

Getur verið að Búsáhaldabyltingin bíði hnekki ef Alþingi ákveður að endurskoða eigin aðferðafræði um að ákæra einn mann ?

Er tími Hreyfingarinnar þá liðinn á þingi ?

Skil ekki hvað veldur þessum hamagang í garð fimmmenninganna úr VG, sem greiddu atkvæði samkvæmt sinni samvisku.

kv.Guðrún María.


mbl.is „Hafi þau skömm fyrir um aldur og ævi“
Tilkynna um óviðeigandi tengingu við frétt

Núverandi stjórnarskrá er í heildina betri en tillögur að nýrri.

Markmiðið með endurskoðun stjórnarskrárinnar var aldrei að búa bara til alveg nýja einhvern veginn, og breyta öllu.

Loðið orðaval og miðjumoð með langlokum sem engan finnur tilgang, á ekki erindi í stjórnarskrá .

Tillögur að nýrri stjórnarskrá, eins og þær líta út eru því ekki til bóta að mínu áliti eins og þær hafa verið framsettar með örfáum undantekningum þó.

Stjórnlagaþingskosningar voru dæmdar ógildar en þar voru um fimm hundruð manns í framboði, og það mun engin sátt ríkja um þann framgang stjórnvalda að skipa síðan ráðið þeim sem flest atkvæði hlutu í hinni ógildu kosningu.

Endurskoðun stjórnarskrár undir slikum formerkjum er fyrirfram til þess að búa til deilur um málið, það geta flestir séð.

Vigdís Hauksdóttir á heiður skilið fyrir að tala hreint út um þetta mál.

kv.Guðrún María.


mbl.is Tillögur standi sem mest óbreyttar
Tilkynna um óviðeigandi tengingu við frétt

Vill Hreyfingin ekki málfrelsi á Alþingi ?

Það er stórfurðuleg afstaða að berjast gegn því að tillaga sem slík sé tekin á dagskrá, einkum og sér í lagi þar sem mál þetta varð að mistökum í meðförum þingsins.

Ekkert er eðlilegra en að atkvæðagreiðsla fari aftur fram um þetta mál þar sem Alþingi er dómsvaldið í þessu máli.

Mál níumenninganna hefur ekkert með þetta mál að gera.

kv.Guðrún María.


mbl.is Þjónkun við pólitíska yfirstétt
Tilkynna um óviðeigandi tengingu við frétt

Eru gæði þjónustunnar, þau hin sömu eftir ?

Ef það er hægt að fækka fólki í grunn og leikslólum sem nemur eitt þúsund sextíu og tveimur starfsmönnum samtals án þess að það bitni á þjónustunni, nú á tímum sparnaðar þá má spyrja um það hvort stjórnun hafi verið ábótavant áður,
eða hvað ?

Síðan má velta því fyrir sér hvort eitt þúsund sextíu og tveir einstaklingar á atvinnuleysisbótum, í kjölfar sliks sparnaðar, sé eitthvað sem er yfir höfuð sparnaður þegar upp er staðið.

kv.Guðrún María.


mbl.is Lækkuðu kostnað við skólana
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband