Bloggfærslur mánaðarins, júní 2007

Hvílíkt og annað eins yfirklór rangra aðferða fyrirfinnst varla.

Að Hagfræðistofnun Háskólans sé álitisaðlili varðandi ráðgjöf um fiskveiðar með því móti sem lesa má um í þessari frétt er eitthvað sem hugsandi stjórnmálamenn hljóta að þurfa að velta verulega fyrir sér. Í raun og veru er þetta stórhlægilegt ef eitthvað er að Hagfræðistofnun skuli vera komin upp á dekk í þessu efni og núverandi stjórnvöldum ekki til álitsauka svo mikið er víst.

kv.gmaria.


mbl.is Hagkvæmt að hætta þorskveiðum um tíma
Tilkynna um óviðeigandi tengingu við frétt

Meðferðarstofnanir fyrir börn í fíkniefnavanda af hálfu hins opinbera.

Forvarnir og fræðsla er af hinu góða því skal til haga haldið en hins vegar er það afskaplega mikill ljóður á núverandi aðferðafræði yfirvalda til lausnar fíkniefnavandamálum að meðferðarúrræði eru ekki til staðar þegar þeirra er þörf og biðlistar sem jafnvel enda þannig að einhver er afgangs og fær ekki þjónustu sem lögum samkvæmt skyldi veita. Því til viðbótar er ekki fyrir hendi samstarf og samhæfing millum aðila sem starfa að málum hvað varðar barnavernd og úrræði í meðferð þ.e. einungis úrræði á vegum Barnaverndarstofu ( sem er ekki S.Á Á ) lýtur aðkomu barnaverndaryfirvalda til fulls. Úrræði barnaverndaryfirvalda eru hins vegar meðferðarheimili sem eru góð og gild en flest opnar stofnanir þar sem einstaklingur/barn  getur ákveðið að hverfa á braut um leið og foreldri og fulltrúar yfirvalda hafa fundað og ákveðið meðferð með barni. Éinungis ein neyðarvistun er til staðar fyrir höfuðborgarsvæðið allt eins og það leggur sig þar sem börn eru vistuð tímabundið meðan framhaldsúrræði eru ákveðin. Ég leyfi mér að segja að sú hin sama stofnun sé ofnotuð þar sem sömu einstaklingar leggjast inn aftur og aftur vegna úrræðaleysis í framhaldsmeðferðum þar sem lokuð úrræði skortir. Það er grunnforsenda að samhæfa aðkomu allra að málum varðandi börn og úrræði eiga að vera fyrir hendi þegar þeirra er þörf og frekar laus pláss en hitt í stað biðlista eins og tíðkast hefur of lengi. Allt spurning um að taka á vandamálinu eða viðhalda því með kostnaðarsömum hætti áfram með aðkomu aðila sem heita  foreldrar,lögregla, læknar , félagsráðgjafar , forstöðumenn stofnanna osfrv. hring eftir hring ár eftir ár.

kv.gmaria.

 

 


Glæpa-frelsi til staðar.

Það er ótrúlegt að frelsið skuli færa okkur glæpastarfssemi í gangi en því miður er það svo að ég tel, varðandi það atriði að menn geti skýlt sér með nafnleynd í boðskiptakerfum símafyrirtækja við sölu og dreifingu eiturlyfja. Af hverju í ósköpunum er fyrirtækjunum ekki gert skylt að skrá menn með nafni sem geta hringt til annara í boðskiptakerfi sem við lýði er í landinu ? Engin mörk er að finna heldur varðandi það hve ung börn geta hugsanlega verið símaeigendur sem er einnig stórfurðulegt að mínu viti. EF frelsið hefur engin mörk þá er ekki góðri lukku að stýra í framhaldinu eða hvað ?

kv.gmaria.


Fíkniefnafjandinn.

Ég gæti notað mörg sterkari lýsingarorð um þann vágest sem fíkniefnavandinn er en minningagrein föður um dóttur sína í Morgunblaðinu í dag, hreyfði við mér sem án efa mörgum öðrum, varðandi það atriði að við megum sannarlega ekki sofna á verðinum gagnvart þessum samfélagslega vágesti sem tröllriður voru þjóðfélagi. Kostnaði þjóðfélagsins alls er enn sem komið er sópað undir teppið hvað varðar afleiðingar allar , miðað við aðgerðir í gangi til að stemma stigu við þessari glæpastarfssemi. Lögregla og tollverðir eru að vinna sitt verk vel að mínu áliti þótt ætíð megi gott bæta. Meðferðarstofnanir þarf hins vegar að efla , þannig að mögulegt sé að kippa börnum út úr sliku ferli eins og skot ekki með margra vikna biðtíma hvað þá daga, heldur eins og skot. Stofnanir sem sinna vanda barna ég endurtek barna innan lögaldurs eiga að vera lokaðar ekki opnar. Slíkt kostar fjármuni en þá hina sömu fjármuni þarf að finna til þess að stemma stigu við vandanum af einhverju viti gagnvart börnum. Öðru máli gegnir um þá er náð hafa lögaldri í neysluferli. Lokuð meðferðarstofnun hér á landi er aðeins eitt stykki með örfá pláss sem annar ekki eftirspurn okkur til skammar Íslendingum því þegar vandinn er tilkominn þurfa úrræði að vera til staðar , að öðrum kosti erum við að viðhalda vandamálinu. Sem hentar glæpamennsku þessari vel.

kv.gmaria.

 


Nauðsynlegur mannafli þarf að vera að störfum á sjúkrahúsum landsins.

Það gengur ekki deginum lengur að fólki sé boðið það að taka 16 tíma vaktir við störf á sjúkrahúsum er krefjast sérþekkingar. Það bara gengur ekki . Nákvæmlega sama hvort um er að ræða lækna, hjúkrunarfræðinga eða sjúkraliða. Það kallar einfaldlega á önnur vandamál að hafa örþreytt fólk að störfum þar sem allrar athygli og einbeitingar er þörf. Það hlýtur að þurfa að fara að stokka upp mannahald á ríkisspítulum með tilliti til álagsaukningar og finna fjármuni til þess að kosta starfssemina ef sá þrándur skyldi vera þar í götu, líkt og verið hefur stundum.

kv.gmaria.


Nokkur orð um " sjóræningja " í tilefni pistils sjávarútvegsráðherra.

Vissulega er það gott að okkur hafi tekist að hrekja " sjóræningja " af Íslandsmiðum nú sem fyrr en hins vegar breytir það því ekki að við sjálfir megum aldrei verða uppvísir að umgengni við fiskimiðin sjálfir með álíka hætti og " sjóræningjar " til dæmis hvað varðar brottkast á fiski úr sjó sem er ekkert annað en rán úr lífríkinu, eyðsla og sóun. Það atriði að kerfisskipulag kvótakerfisins beinlínis hvetji til slíkrar eyðslu og sóunar er óviðundandi háttvirtur ráðherra.

kv.gmaria.


Fótum troðin fagréttindi ?

Er þetta það sem koma skal á Íslandi ? Er ekki kominn tími til að fara að vakna af Þyrnirósarsvefni í þessum efnum og það hlýtur að vera áleitin spurning í þessu sambandi  HVERS VEGNA Íslendingar komi að slíku niðurrifi á fagmenntun í landinu ?

kv.gmaria.


mbl.is Rafiðnaðarsambandið vill láta rífa verk pólskra starfsmanna
Tilkynna um óviðeigandi tengingu við frétt

Frjáls peningaumsýsla með forsjá ríkisins í sjávarútvegi ?

Það stendur ekki streinn yfir steini lengur hvað varðar forsendur kvótakerfis sjávarútvegs hér á landi, hvorki hvað varðar lögleiðingu framsals milli aðila hvað þá vísindalegan grundvöll og forsendur fyrir slíku, þar sem uppbygging verðmesta fiskistofnsins þorks hefur mistekist og þar með sjálfkrafa raskað flestu er lýtur að peningalegri umsýslu með meint verðmæti. Því til viðbótar hefur hið frjálsa framsal raskað flestu sem raska má á þurru landi , landið þvert og endilangt, þvert á upphafleg markmið lagasetningarinnar, um byggð í landinu. Stjórnmálamenn mega skammast sín allir sem einn sem hafa hummað þessi mál fram af sér ár eftir ár með þegjandahætti innan vébanda sinna flokka sem eiga að kallast stjórnmálaflokkar fólksins í landinu.

kv.gmaria.


Átti hið frjálsa framsal ekki að skila ábyrgð í umgengni um fiskimiðin ?

Hafi ég tekið rétt eftir í ræðu og riti Hannesar Hólmsteins um fiskveiðistjórnun þá var meiningin að hið frjálsa framsal þ.e. að menn keyptu kvóta hver af öðrum myndi skila því að menn hugsuðu því betur um tilvist verðmætanna. En er það svo ? Hefur það kanski gleymst að til er lífríki á hafsbotni og ekki er sama hvernig um það er gengið hvar og hvenær s.s. hve mikið magn skipa veiðir með svo og svo miklum afköstum umfram það sem áður hefur verið ellegar aðferðafræði að öðru leyti breyst. Getur það verið að útgerðarmenn hafi litið svo á að hið opinbera sæi til þess að stöðva framkvæmd mála fyrir þá ef í óefni horfði ? Hver var þá tilgangurinn með hinu frjálsa framsali ef svo kynni að vera ? Gæti verið að sá hinn sami tilgangur væri fallinn um sjálft sig ?

kv.gmaria.


Hver ber ábyrgð á ónógum rannsóknum á lífríki sjávar, stjórnvöld eða útgerðarmenn ?

Las frétt um það í dag að Guðrún Marteinsdóttir sem starfaði áður á Hafrannsóknarstofnun telur að verja þurfi mun meira fjármagni en verið hefur til rannsókna á lífríki sjávar kring um landið, en hún hefur rannsakað þorksstofnn og komist að því að um marga stofna er að ræða við landið ekki einn. Hver skyldi bera ábyrgðina á þessu rannsóknaleysi síðustu tuttugu árin, stjórnvöld eða útgerðarmenn og hagsmunasamtök þeirra ?

kv.gmaria.


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband