Þegar útgerðarmaðurinn íslenzki fékk að selja og leigja veiðileyfi sitt á þorsk.

Dag einn samþykkti Alþingi Íslendinga lagabreytingar við Lögin um fiskveiðistjórn sem innihéldu heimild til handa útgerðum þessa lands að selja og leigja sín á milli heimildir til veiða á þorski á Íslandsmiðum.

Frjálst framsal var það kallað.

Fyrsta grein laganna kvað á um og kveður enn að fiskimiðin séu sameign þjóðarinnar og úthlutun heimilda til einstakra aðila myndi ekki óafturkallanlegan eignarétt.

Veðtaka fjármalafyrirtækja í kjölfar lagabreytinga um frjálst framsal var og er því enn þann dag í dag,  með öllu óskiljanleg í ljósi ákvæða fyrstu greinar laganna.

Hvaða íslenskt fjármálafyrirtæki tók upphaflega ákvörðun um að gera óveiddan fisk úr sjó að gildu veði með öllum þeim fjölmörgu áhættuþáttum þar að lútandi ?

Það hafa fjölmiðlar lítt eða ekkert fjallað um í formi alvöru rannsóknarblaðamennsku en eðli máls samkvæmt væri það afar fróðlegt að vita hver hóf þann gjörning ?

kv.gmaria.

 

 


« Síðasta færsla | Næsta færsla »

Athugasemdir

1 Smámynd: Georg Eiður Arnarson

 Voru það ekki Haldór og Davíð ? kv . 

Georg Eiður Arnarson, 27.2.2008 kl. 07:04

2 Smámynd: Sigurgeir Jónsson

Framsal aflaheimlda var sett á með lögum af ríkisstjórn Steingríms Hermannssonar sem sat frá 1988-1991.Að þeirri ríkisstjórn stóðu Alþýðuflokkur, Alþýðubandalag, Borgaraflokkur og Framsóknarflokkur.Á þeim var Kristinn H. Gunnarsson þingmaður Alþýðubandalagsins og stóð að lögunum.Veðsetningin á veiðiréttinum var sett seinna.Kristinn H.var þá stjórnarmaður í Byggðastofnun og vildi að sjálfsögðu hafa veð fyrir þeim lánum sem byggðastofnun var að byrja að lána til smábáta fyrir vestan í stórum stíl.Hann studdi að leyft yrði að veðsetja kvóta, það er veiðirétt til að veiða ákveðið magn af fiski.Umræðurnar um veðsetninguna stóðu lengi á Alþingi, en einu mennirnir sem töluðu á móti veðsetningunni, ég hofði á umræðurnar í sjónvarpinu, voru Kristján Pálsson, þingmaður Sjálfstæðisflokks og Ágúst Einarsson þá orðinn þingmaður Alþýðuflokks.Þeir sögðu báðir að með lögunum væri verið að setja lög sem væru ígildi eignarréttar.

Sigurgeir Jónsson, 27.2.2008 kl. 09:59

3 Smámynd: Hallgrímur Guðmundsson

Það vil svo skemmtilega til að þessi lög standast ekki, svo einfalt er það og því koma menn til með að þurfa að kyngja hvort sem þeim líkar það eða ekki.

Hallgrímur Guðmundsson, 28.2.2008 kl. 01:34

4 Smámynd: Guðrún María Óskarsdóttir.

Já Hallgrímur það er rétt, og sá dagur mun koma að við munum fá það staðfest.

kv.gmaria.

Guðrún María Óskarsdóttir., 28.2.2008 kl. 02:09

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband