Hvað á slík mismunun landsmanna, að vera lengi við lýði ?

Guðjón Arnar dró fram hið stórkostlega óréttlæti og mismunun sem íbúar sjávarþorpa búa við og hafa búið við nú í áraraðir þess efnis að vera hugsanlega sviptir atvinnu á einni nóttu, vegna kerfis sem heimilar, framsal aflaheimilda millum útgerða án skilyrða. Hann taldi upp byggðirnar allt í kring um landið sem allar hafa fundið fyrir annmörkum þessa kerfis. Góð ræða hjá Guðjóni eins og hans er von og vísa.

kv.gmaria.

Guðjón Arnar: Fólk í sjávarbyggðum nýtur ekki raunverulegs jafnréttis

Athugasemdir

[Haukur Kristinsson, 31.5.2007 kl. 22:58]

en er ekki hægt að gera eitthvað annað eins og sumir flokkar segja, til dæmis að fá álver eða olíuhreinsunarstöð, held að fiskurinn geri okkur ekki að vel borgandi launþegum, enda virðist næstum eingöngu útlendingar vinna í fiski

[Guðrún María Óskarsdóttir., 31.5.2007 kl. 23:09]

Sæll Haukur.

Núverandi fiskveiðistjórnunarkerfi heftir nýliðun og aðkomu einstaklinga í atvinnugreinina, sem einyrkja við sjósókn. Einyrkja sem skapa sér og samfélagi sínu atvinnu allt í kring um land ef frelsi til þess arna væri að finna í þessu kerfi. Einyrkja sem greiða skatta og skyldur til samfélagsins, ásamt því að ástunda fiskveiðar í sátt við lífríkið. Einyrkja sem landa fiski á markað í sínu samfélagi.

kv.gmaria.