Áhugaleysi eða hamlar kostnaður við þáttöku ?

Ólíkt kosningum til þings er í þessum kosningum ekki um að ræða akstur á kjörstað en svo kynni að vera að slíkt hamlaði einhverjum þáttöku.

Jafnframt er tímasetningin þ.e. 27.dagur mánaðar varla til þess að hvetja þá sem ef til vill spara bensín í þröngum efnahag fram að mánaðarmótum.

Hvað með kynningar á framkvæmd þessara kosninga til þessa þings ?

Var einhverju ábótavant í því efni ?

Mín skoðun er sú að þar hafi margt mátt betur vera undirbúið í raun ekki hvað síst með kynningar á frambjóðendum sem og tilgangi endurskoðunar stjórnarskrár.

Þrátt fyrir þessa litlu þáttöku munu veljast frambjóðendur til þessa verkefnis og við munum sjá hvað út úr því kemur.

Það mun timinn leiða í ljós.

kv.Guðrún María.


mbl.is Kosningaþátttaka líklega um 40%
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Anna Guðný

Það sem ég hef heyrt undanfarna daga að helst fæli fólk frá því að kjósa er þessi ótrúlega mikill fjöldi frambjóðana. Og ekki nóg með það því kynningarnar á þeim eru svo almennar að þú þarft að lesa svo mikið um hvern og einn til að finna áherslur þeirra. Fólki óx þetta þetta einfaldlega í augum. Svo eru nú ekkert allir sem eiga tölvu og þeir eiga í miklum vandræðum með að finna sína kandidata.

Hafðu það gott

Anna Guðný , 28.11.2010 kl. 00:09

2 Smámynd: Guðrún María Óskarsdóttir.

Já Anna Guðný, án efa er þetta eitt af því sem um ræðir.

Það er mikið rétt að tölvur hafa ekki allir til nota.

kv.Guðrún Maria.

Guðrún María Óskarsdóttir., 28.11.2010 kl. 00:28

3 identicon

Miðað við það sem ég hef heyrt í kringum mig þá virðist slæm aðskókn aðallega vera útaf skort á skilningi um hvað er verið að kjósa um. En vonandi var sá hluti sem kaus, það fólk sem hefur kynnt sér þetta vel og veit hvað það er sem þarf að gera til að gera stjórnaskránna skýra, loftþétta og rökrétta. Það er alveg greinilegt að stjórnarskráin er ekki úthugsuð, t.d. greinarnar um trúarbrögðin eru náttúrulega bara skammarlegar og ég hætti að kjósa flokka því ég sá það að það var gjörsamlega tilgangslaust. Ef Ísland breytist ekki í takt við tímann verður það skilið eftir í rykinu.

 Kveðja,

-Einar Þórir Árnason

Einar Þórir Árnason (IP-tala skráð) 28.11.2010 kl. 00:36

4 Smámynd: Guðrún María Óskarsdóttir.

Ég tek undir það Einar að vonandi hafa þeir sem kusu sent þau skilaboð um breytingar þar sem þeirra er þörf.

kv.Guðrún María.

Guðrún María Óskarsdóttir., 28.11.2010 kl. 00:46

5 identicon

Ég get aðeins svarað fyrir mig og ákveð að gera það hér, ástæða þess að ég tók ekki þátt í þessum spuna er sú að mér finnst fólkið í framboði ekki hafa mikið vit á því hvað það var að fara út í.  Við breytum ekki stjórnarskránni nema með samþykki að mér skilst tveggja þinga samkvæmt núverandi stjórnarskrá sem væntanlega er ennþá í gildi þegar þetta er mælt, vitleysan sem veður uppi um þetta mál og afsakið orðbragðið en þeir taki til sín sem vilja, vitleysingarnir sem voru margir hverjir í framboði voru bara að leita eftir vinnu sem er reyndar tímabundinn vegna þess að ríkisstjórnin sú vinstri hleypir þessu aldrei í gegn og skal ég hundur heita ef að það gerist,  þau eru bara að reyna að verða fyrsta vinstri stjórn sem klárar heilt kjörtímabil í sögu þjóðarinnar.  Þeirra metnaður liggur fyrst og fremst í því að verða skilgreind sem fyrsta vinstri stjórn lýðveldisins sem klárar heilt tímabil.  Fyrir mér eru þetta tafir vegna þess að þau hafa ekki hugmynd um hvað þarf að gera og beina sjónum fólks í allar áttir í einu.  Ef þið haldið að ég hafi rangt fyrir mér skoðið hvað þessi ríkis(ó)stjórn hefur gert á þessum tveimur árum sem hún hefur verið við lýði, bannað mannsal( er og hefur alltaf verið bannað á Íslandi), bannað nektardans, leyft giftingu samkynhneigðra og er upptalningin á tilgangslausum hlutum en lengri.

Bjarni (IP-tala skráð) 28.11.2010 kl. 00:54

6 Smámynd: Sigurjón

Þið, sem hafið kosið að sitja heima, hafið fyrirgert því að tuða og nöldra um stjórnmál eða stjórnarskrá í nánustu framtíð.  Hafið það til marks.

Sigurjón, 28.11.2010 kl. 01:05

7 Smámynd: Guðrún María Óskarsdóttir.

Takk fyrir þitt innlegg Bjarni, get tekið undir það að stjórnleysið sem ríkir í landinu er ekki beinlínis áhugavekjandi varðandi hvers konar þáttöku manna í stjórnvaldsathöfnum.

kv.Guðrún María.

Guðrún María Óskarsdóttir., 28.11.2010 kl. 01:06

8 Smámynd: Haraldur Rafn Ingvason

Auma nöldrið í þessum Bjarna. Vitleysingar í framboði munu vinna tilgangslausa vinnu vegna þess að það eru vitleysingar í ríkisstjórn!

Hefði hann hunskast á kjörstað ásamt öðrum heimasitjandi sófatuðurum og þannig gert það að verkum að kjörsókn hefði slefast í 60% hefði stjórnarvitleysingum í hvaða flokki sem er ekki verið stætt á öðru en taka mark á niðurstöðu stjórnlagaþingsins. 

Í staðinn kýs hann að níða niður þetta glænýja verkfæri almennings til að hafa bein áhrif á umhverfi sitt - gjörsamlega blindaður af andúð sinni á þessari sannarlega ömurlegu stjórn og öllu sem frá henni kemur.

Varðandi flækjustigið þá er engum vorkunn að því að þurfa að hafa dálítið fyrir lýðræðinu. Það er nefnilega ekki sjálfsagður hlutur!

Haraldur Rafn Ingvason, 28.11.2010 kl. 01:30

9 Smámynd: Guðrún María Óskarsdóttir.

Til þess að fyrirbyggja misskilning þá kaus sú er þetta ritar og myndi aldrei láta framhjá sér fara hvert tækifæri til þess að nota lýðræðið. Með von um tilgang þess hins sama.

kv.Guðrún Maria.

Guðrún María Óskarsdóttir., 28.11.2010 kl. 01:41

10 identicon

GM, þú hittir naglann á höfuðið þegar þú skrifaðir "stjórnleysi"! Gulrótin virkaði ekki fyrir meirihluta kjósanda! Dugar sem sagt ekki fyrir þá sem eru að missa allt vegna arðráns. Þetta þýðir: JÓGRÍMA  ER FALLIN! Vonandi þarf ekki Cantona aðgerð til að reka síðasa naglann. Hér er einnig auglýst eftir forsvarsmönnum stéttarfélaganna. Hefur einhver séð þá?  Sáust síðast fyrir hrun, íklæddir skinhelgi og huliðshjálmi Skyldu þeir taka ofan 1. des?

Hrúturinn (IP-tala skráð) 28.11.2010 kl. 06:33

11 identicon

Auma nöldrið í þessum Bjarna. Vitleysingar í framboði munu vinna tilgangslausa vinnu vegna þess að það eru vitleysingar í ríkisstjórn!

Haraldur lestu þessa setningu þína aftur og segðu mér hvor okkar er vitleysingur þú sem kaust eða sá sem sá í gegnum vitleysuna hjá stjórnarflokkunum við völdin.  Segi það enn og aftur að eina sem liggur fyrir hjá þessari ríkisstjórn er að komast í sögubækurnar sem eina vinstri stjórn sem klárar heilt kjörtímabil, Jóhanna hefur sjálf sagt að hún "ÆTLI" að sitja út kjörtímabilið, fyrirgefið mér en er það hennar að ákveða eða okkar sem þurfum að lifa undir stjórn þessara einræðisherra sem hér stjórna.  Hef ekki og mun ekki taka þátt í leikjum hjá fólki sem ógnar tilveru minni eða fjölskyldu minnar og sérstaklega ekki þegar fólk sem býður sig fram hefur ekki hugmynd um hvað það er að gera og notar óspart frasa sem myndu sóma sér vel í Næturvaktinni.

bjarni (IP-tala skráð) 28.11.2010 kl. 15:17

12 Smámynd: Haraldur Rafn Ingvason

Nei sko, meira nöldur og ekki uppbyggilegra...

Ég veit ekki hvort Bjarni þessi er vitleysingur, en rökfastur er hann sannarlega ekki. Svo dæmi sé tekið þá bendir hann sjálfur á að tvö þing þurfi að samþykkja breytingar á stjórnarskrá og því getur hann verið nokkuð öruggur um að núverandi stjórn mun ekki ráða þessu ein þó málið sé frá henni komið.

Haraldur Rafn Ingvason, 28.11.2010 kl. 18:59

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband