Við upplifum gróðurhúsaáhrifin með öfgum í kulda eða hita.

Til eru þeir sem enn afneita gróðurhúsaáhrifum sem tilkomin eru af völdum mannsins.

Ég er ekki ein af þeim og tel mig hafa melt það mikið af vitnesku þess efnis að geta vitað að maðurinn og athafnir hans hafa áhrif á umhverfið, þar með talið veðurkerfi jarðar.

Allar þær aðferðir sem við getum notað og nýtt til þess stuðla að aukinni endurnyjun í lífkeðjunni með minna mengandi samgöngutækni og tólum hvers konar til framleiðsluaðferða matvæla fyrir mannfólkið er eitthvað sem þarf að vera í vitund og sinni hvers hugsandi manns.

kv.Guðrún María.

Harðasti vetur síðan 1984

Ráðgjafahóp ?

Er fyrrum forstjóri Landsspítala líklegur til þess að vera án tengsla við starfandi lækna sem óháður aðili og stjórnandi í ráðgjafahóp um úrbætur ?

Því miður er það oftar en ekki svo í okkar þjóðfélagi að sama fólkið er skipað í endurskoðun yfir aðferðafræði sem viðkomandi hafa jafnvel tekið þátt í ellegar eru höfundar að að hluta til.

Starfsmenn ráðuneyta gegnum áraraðir hafa komið að skipulagi heilbrigðisþjónustu í nefndum og ráðum, undantekningalítið er þar sama fólkið á ferð.

Er líklegt að einhverra breytinga sé að vænta við slíkt ?

Veit ekki, en raunin er sú að það sem þessi ráðgjafahópur á að gera úttekt á er allt á verksviði Landlæknisembættisins, lögum samkvæmt.

kv.Guðrún María.

Gera úttekt á læknastofum

Umboðsmaður sjúklinga var og er nauðsynlegur hér á landi.

Heilbrigðiskerfi sem samanstendur af samblandi ríkisrekinnar þjónustu og einkarekstrar er eitthvað sem fyrir löngu hefur verið vitað að gæti orsakað vandamál, en það er hins vegar eins og venjulega að ekkert gerist fyrr en
eitthvað meiriháttar vandamál tröllríður húsum.

Það á að vera hægt að " byrgja brunninn áður er barnið dettur ofan í hann "...... en Umboðsmaður sjúklinga í kerfi sem sliku er og hefur verið nauðsynlegur.

kv.Guðrún Maria.

Markaðsvæðing mannslíkamans